ئازادی باوکی دونیا ڕەزایی تەنیا یەک حەوتوو دوای کوشتنی کچەکەی
یەکشەممە ۱۷-۰۲-۱۴۰۲ | 07-05-2023
محەممەد ڕەزایی باوکی دونیا ڕەزایی، تەمەن ١٩ ساڵ و خەڵکی کرماشان، تەنیا دوای یەک حەوتوو لە دەستبەسەرکران بەهۆی لێخۆشبوونی لەلایەن هاوژینەکەیەوە واتا (دایکی دونیا) ئازاد بووە.
بەوتەی سەرچاوەیەکی ئاگادار، دایک و باوکی دونیا ڕەزایی زۆر لە مێژەوە ناڕازیبوون کە دونیا درێژە بەخوێندن بدات و دژایەتی و کێشەکان لەسەر ئەم بابەتە هەتا ڕۆژی کوشتنی دونیا درێژەی هەبووە و پەرەی سەندووە.
دژایەتی کردن لەگەڵ درێژەدان بە خوێندنی ئەم کچە لاوە لەلایەن دایک و باوکییەوە لە ئاستێکدا بووە کە تەنانەت بۆ وەرگرتنی بڕوانامەی دیپلۆم ڕێگریان دروستکردووە.
دونیا ڕەزایی تەمەن ١٩ ساڵ، ڕۆژی شەممە ٢٧ی خاکەلێوە لە ماڵەکەیاندا هەڵکەوتوو لە گەڕەکی زەفەریەی کرماشان، لەلایەن باوکییەوە بە پاساوی نامووس و شەرەف کوژرا.