ئازادی نازیلا مەعرووفیان لە زیندانی ئێوین
یەکشەممە ۱۹-۰۶-۱۴۰۲ | 10-09-2023
ڕۆژی شەممە ١٨ی خەرمانان، نازیلا مەعرووفیان رۆژنامەنووسی خەڵکی شاری سەقز و دانیشتووی تاران، بە شێوەی کاتی و بە کەفالەت لە زیندانی ئێوین ئازاد بوو.
نازیلا مەعرووفیان لە رێکەوتی ٨ی خەرمانان، بۆ چوارەم جار لە دەستپێکی شۆرشی “ژن ژیان ئازادی” لە لایەن هێزەکانی ڕژیمەوە دەستبەسەر کرابوو و لە لایەن لقی ٢٦ی دادگای شۆرشی تاران بە تۆمەتی “پڕوپاگاندا لە دژی نیزام” و “دارشتنی پیلان بۆ شێواندنی ئەمنییەتی ناوخۆ” بە ساڵێک زیندانی تەعزیری و ١٥ ملیۆن تمەن سزای نەقدی مەحکووم کرا.