Komala

سەرلەبەیانی ڕۆژی دووشەممە ١ی خەزەڵوەر، لانیکەم سێ بەندکراو لە زیندانی ناوەندی شیراز لەسەر بڕیاری دەزگای دادوەری ڕژیم ئێعدام کران.
بەپێی ئەم ڕاپۆرتە، سێ بەندکراو بە ناوەکانی “ئەسغەر جەعفەری” تەمەن ٤٠ ساڵ، “مەجید مووسایی” تەمەن ٣٨ ساڵ و “عەلی خەیربین” تەمەن ٤٢ ساڵ کە پێشتر بە تۆمەتی تاوانەکانی پێوەندیدار بە مادە هۆشبەرەکان، دەستبەسەر و بە ئێعدام مەحکووم کرابوون، رۆژی دووشەممە لە زیندانی ناوەندی شیراز حوکمەکەیان بەکردەوە دەرهات. جێگای ئاماژەیە، هەتا کاتی داڕشتنی ئەم هەواڵە، هەواڵی ئێعدامی ئەم سێ بەندکراوە لە لایەن ڕاگەیەنەرەکانی ڕژیم بە تایبەت ڕاگەیەنەرەکانی نزیک لە ناوەندی دادپەروی کۆماری ئیسلامی بڵاونەکراوەتەوە.