ئێعدامی سێ بەندکراو لە زیندانی ناوەندی کرمان
چوارشەممە ۱۹-۰۲-۱۴۰۳ | 08-05-2024
سەرلەبەیانی ڕۆژی چوارشەممە ١٩ی گوڵان، حوکمی ئێعدامی سێ بەندکراوی خەڵکی زاهێدان لە زیندانی ناوەندی کرمان بەکردەوە دەرهات.
بەپێی ئەم ڕاپۆرتە، سێ بەندکراو بە ناوەکانی “فەریبا محەممەدزەهی” خەڵکی زاهێدان، “عبدۆڵڵا ئەزبەک زەهی” ٢٨ ساڵ تەمەن و خەڵکی زاهێدان و “خەلیلوڵڵا بەراهوویی” ٣٥ ساڵ تەمەن و خەڵکی خاش سەر بە پارێزگای سیستان و بەلوچستان، لە زیندانی ناوەندی کرمان بە تۆمەتی “تاوانەکانی پەیوەندیدار بە مادە هۆشبەرەکان” ئێعدام کران.