ئێعدامی ٢٠٠ ژن لە زیندانەکانی کۆماری ئیسلامی
شەممە ۱۸-۰۶-۱۴۰۲ | 09-09-2023
ڕێکخراوی مافی مرۆڤی ئێران، ڕۆژی پێنجشەممە ١٦ی خەرمانان، لە ڕاپۆرتێکیدا ڕایگەیاند کە لە ساڵی ٢٠١٠وە هەتا ئێستا، لانیکەم ٢٠٠ بەندکراوی ژن لە زیندانەکانی ڕژیمی کۆماری ئیسلامی ئێعدام کراون.
بەپێی ڕاپۆرتی ئەم ناوەندە، حوکمی ئێعدامی “مەحبووبە ڕۆشندڵ” ٢٧ ساڵ تەمەن کە بە تۆمەتی “کوشتنی بەئەنقەست” بە قەساس مەحکووم کرابوو، ڕۆژی دووشەممە ١٣ی خەرمانان، لە زیندانی وەکیل ئابادی مەشهەد بەکردەوە دەرهاتووە. شایانی باسە، ئەمە ١٢هەمین حاڵەتی ئێعدامی ژنانە لە سەرەتای ساڵی ٢٠٢٣وە هەتا ئێستا.