Komala

دوو کۆڵبەر بە ناوەکانی کاوان خەڵکی پاوە و سەیوان خەڵکی مەریوان لە کاتی کۆڵبەری لە سنووری نەوسوود بە تەقەی ڕاستەوخۆی هێزە چەکدارەکانی ڕژیم بریندار کران. بەپێی ڕاپۆرتەکان لە ئاکامی دەستڕێژی هێزە چەکدارەکانی ڕژیم لە ژمارەیەک لە کۆڵبەران، دوو کۆڵبەر بە ناوەکانی کاوان خەڵکی گوندی شمشێڕ سەر بە شاری پاوە و سەیوان خەڵکی گوندێکی مەریوان بە سەختی برینداربوون. شایانی بایە، ئەم دوو کۆڵبەرە کە بە سەختی بریندار بوون، بە مەبەستی چارەسەریی پزیشکی ڕەوانەی بنکە تەندروستییەکانی شارەکانی پاوە و مەریوان کراون.