Komala

لەدرێژەی زنجیرە دیداری ئەنجومەنە سێنفییەکانی موعەلیمان، کۆمەڵێک لە ئەندامانی دەستەی بەڕێوەبەرایەتی و چالاکانی ئەنجومەنی موعەلیمانی”مێهروەرز” لە پارێزگای قەزوێن، ڕۆژی پێنجشەممە ٢٧ی ڕێبەندان، لەگەڵ “محەممەد حەبیبی، ئیسماعیل عەبدی و مەسعوود فەرهیختە”، دیدار و چاوپێکەوتنیان کرد.

شایانی باسە، لەم دیدار و چاوپێکەوتنەدا کە لەگەڵ “محەممەد حەبیبی”، وتەبێژی کانوونی سێنفی موعەلیمانی ئێران، “مەسعوود فەرهیختە” جێگری شۆڕای هاوئاهەنگی رێکخراوە سێنفییەکانی ئێران و ئەندامی کانونی سێنفی موعەلیمانی ئیسلامشار و هەروەها “ئیسماعیل عەبدی” ئەندامی ئەنجومەنی سێنفی موعەلیمانی تاران، کە لەم دوایانەدا لە زیندان ئازاد کرابوون ئەنجام درا، جەخت لەسەر پێڕاگەیشتن بە دۆخی بنەماڵەی موعەلیمانی بەندکراو و هەروەها پێویستی و بەدواداچوونی داخوازییە سێنفییەکان کرایەوە.