جێبەجێکردنی سزای سێدارەی بەندکراوێک لە زیندانی ناوەندیی سنە
سێشەممە ۰۵-۱۰-۱۴۰۲ | 26-12-2023
بەرەبەیانیی ڕۆژی سێشەممە، ٥ی بەفرانبار، سزای سێدارەی محەممەدڕەزا میهرەبان، هاووڵاتی خەڵکی شاری قوروە، لە بەندیخانەی ناوەندیی شاری سنە جێبەجێ کرا.
ئەو هاووڵاتییە پێشتر بە تۆمەتی کوشتنی بەئەنقەست لەلایەن هێزە ئەمنییەکانەوە دەستبەسەر کرابوو و دواتر لەلایەن دەزگای دادوەریی ڕژیمەوە سزای سێدارەی بەسەردا سەپا.
چەند رۆژ لەمەوبەر محەممەدڕەزا میهرەبان بە مەبەستی جێبەجێکردنی سزاکەی، بۆ ژووری تاکەکەسیی بەندیخانەی سنە گواسترابووەوە.