Komala

بەرەبەیانی ڕۆژی پێنجشەممە ٢٣ی خاکەلێوە، سزای لەسێدارەدانی دوو هاوژین بە ناوەکانی ئیسماعیل حوسێنیانی تەمەن ٢٩ ساڵ و مەرجان حاجیزادە تەمەن ١٩ ساڵ، هەر دوو خەڵکی سایین قەڵا لە زیندانی ناوەندیی شاری زەنجان جێبەجێکرا.
بەوتەی سەرچاوەیەکی ئاگادار، ئەم دوو هاوژینە کە خەڵکی سایین قەڵا و دانیشتووی شاری زەنجان بوون، نزیکەی سێ ساڵ لەمەوبەر بە تۆمەتی پەیوەندیدار بە مادە هۆشبەرەکانەوە لە شاری زەنجان دەستبەسەر کران و لەلایەن دەزگای دادوەری کۆماری ئیسلامیەوە سزای لە سێدارەدانیان بەسەردا سەپێنرابوو.
بەپێی ڕاپۆرتێکی ڕێکخراوی مافی مرۆڤی ئێران، مەرجان حاجیزادە لەکاتی دەستبەسەرکرانیدا تەمەنی ١٦ ساڵ و چوار مانگ بووە و لە قوربانیانی منداڵ هاوسەری بووە.