خۆپیشاندانی جه‌ماوه‌ری له وڵاتی ئارژانتین
یەکشەممە ۱۹-۰۴-۱۴۰۱ | 10-07-2022
ڕۆژی شه‌ممه ١٨ی پووشپه‌ڕ، هه‌زاران كه‌س له خه‌ڵكی ئارژانتین، له ناڕه‌زایه‌تی به هه‌ڵاوسان و گرانیه‌كی بێ وێنه له‌و وڵاته‌دا و كڵه‌كه‌بوونی قه‌رزێكی زۆر به‌سه‌ر ئه‌و ده‌وڵه‌ته‌وه، ڕژانه سه‌ر شه‌قامه‌كانی پایته‌ختی ئه‌و وڵاته.
به‌پێی ڕاپۆرته‌كان، وڵاتی ئارژانتین كه به‌یه‌كێك له گه‌وره‌ترین وڵاته‌كانی به‌رهه‌مهێنه‌ری سۆیا و گه‌نمه‌شامی له جیهاندا داده‌نرێت، به هه‌ڵاوسانی سه‌ره‌وه‌ی ٦٠ له‌سه‌د، نرخی دراوه‌كه‌ی به ڕێژه‌یه‌كی به‌رچاو له به‌رانبه‌ر دراوه جیهانییه‌كاندا دابه‌زیوه و ئه‌مه‌ش بووه‌ته هۆی گرانبوونی مادده خۆراكییه‌كان له‌و وڵاته‌دا.