Komala

بە سەدان هەزار کەس لە شارە جۆراوجۆرەکانی فەڕانسە لەوانە، پاریس، نیس، مارسێی، تۆلووز و نانت، ڕۆژی شەممە ٢٢ی ڕێبەندان، بەمەبەستی پاشەکشە کردن بە دەوڵەت سەبارەت بە بەرنامەی چاکسازی لە حقووقی خانەنشین کراوان هاتنە سەر شەقامەکان و خۆپیشاندانیان ئەنجام دا.

یەکێتییە سێنفییەکان هیوادارن کە بەدرێژەدان بە خۆپیشاندانەکان، پێش بە پەسەندکردنی یاسایەک کە دەبێتە هۆی چوونەسەرەوەی تەمەنی خانەنشینی لە ٦٢ بۆ ٦٤ ساڵ، بگرن. جێگەی ئاماژەیە، لە دوایین خۆپیشاندان دژ بە بەرنامەی چاکسازی لە خانەنشینی دەوڵەت، زیاتر لە یەک ملیۆن کەس بەشداریان کردبوو.