دایکی ئارمیتا گەراوەند دەستبەسەرکرا
پێنجشەممە ۱۳-۰۷-۱۴۰۲ | 05-10-2023
دوانیوەرۆی ڕۆژی چوارشەممە ١٢ی ڕەزبەر، شەهین ئەحمەدی دایکی ئارمیتا گەراوەند کچی ١٦ساڵ تەمەنی قوربانی حیجابی زۆرەملێ کە ئێستا لە کۆما دایە، لە بیمارستانی فەجری تاران لەلایەن هێزە سەرکوتگەرەکانی ڕژیمەوە دەستبەسەر و بۆ شوێنیکی نادیار گواسترایەوە. بە وتەی سەرچاوەیەکی ئاگادار دەستبەسەرکرانی شەهین ئەحمەدی بە توندوتیژیەوە بووە و تا کاتی ئەمادە کردنی ئەم هەواڵە هیچ زانیاریەک لە سەر چارەنووسی ناوبراو وشوێنی راگیرانی لەبەردەستدا نیە و بنەمالەی ئەحمەدی هەرەشەیان لێکراوە ئەم هەواڵە بلاو نەکەنەوە.