Komala

هاوکات لەگەڵ هێرشە ئاسمانییە کوشندەکانی شەوی ڕابردووی ئیسرائیل بۆ سەر ڕەفەح، بەرپرسانی تەندروستی حەماس باس لەوە دەکەن کە بە گیانلەدەستدانی ٩٧ کەس لە ماوەی ٢٤ کاتژمێری ڕابردوودا، ژمارەی کوژراوانی فەلەستینی لە سەرەتای شەڕی غەززەوە بۆ ٢٩ هەزار و ٤١٠ کەس و ٦٩ هەزار و ٤٦٥ کەسی دیکە بریندار بوون.
بەگوێرەی ئاژانسی هەواڵی ڕۆیتەرز، ئیسرائیل ئەمرۆ پێنجشەممە ٣ی ڕەشەممە دوای هەڕەشەی ناردنی هێزی سەربازی بۆ شاری ڕەفەح لە باشووری غەززە، کە نزیکەی ملیۆنێک و ٤٠٠ هەزار فەلەستینی پەنایان بردووەتە ئەوێ، هێرشە ئاسمانیەکانی خۆی دەستپێکردووە.