دۆزرانەوەی تەرمی ٢٣ کەس لە خەڵکی ڕۆهێنگیا لەناو دەریا
هەینی ۲۰-۰۵-۱۴۰۲ | 11-08-2023
بەپێی ڕاپۆرتەکان، تەرمی ٢٣ کەس لە خەڵکی ڕۆهێنگیا کە لە ئەیالەتی “ڕاخین”ی میانمار ڕایان کردبوو، بەدوای ژێرئاوکەوتنی بەلەمەکەیان لە ڕۆژی یەکشەممە دۆزرایەوە.
شایانی باسە، ئەم بەلەمە هەڵگری زیاتر لە ٦٠ کەس بووە و بەهۆی ئەم ڕووداوە، ٣٠ کەس بێسەروشوێن بوون و ٢٣ کەسیش گیانیان لەدەستداوە. جێگای ئاماژەیە، لەم ڕووداوەدا تەنیا ٨ کەس لە مردن ڕزگاریان بووە. شیاوی ئاماژە پێدانە کە ساڵانە بە هەزاران کەس لە خەڵکی ڕۆهێنگیا بە مەبەستی گەیشتن بە مالێزی یان ئەندۆنێزی، لە ڕێگەی دەریاوە خۆیان دەگەیەنە ئەم وڵاتانە و لەم ڕێگەیەدا بە سەدان کەس گیانیان لەدەست دەدەن یاخود بێسەروشوێن دەبن.