Komala

لە ماوەی ڕۆژانی ڕابردوودا موحسین ئەحمەدی ئەقدەم تەمەن ٣٤ ساڵ، ڕەسوول یووسفی ئازەر تەمەن ٢١ ساڵ و حەسەن یووسفی ئازەر تەمەن ٣٩ ساڵ، سێ هاووڵاتیی خەڵکی گوندی “بەفرەوان”ی سەر بە شاری مەهاباد لەلایەن هێزەکانی ئیدارەی ئیتلاعاتی ڕژیمەوە دەستبەسەر کران.
بەوتەی سەرچاوەکانی هەواڵ، دەستبەسەرکرانی ئەو سێ هاووڵاتییە، لە ماڵی بنەماڵەکانیاندا ڕووی داوە و دواتر، بۆ دەستبەسەرگەی ئیدارەی ئیتلاعات لە ورمێ گواستراونەتەوە.
هەتا کاتی داڕشتنی ئەم هەواڵە، لە هۆکارەکانی دەستبەسەرکران و ئەو تۆمەتانەی دراونەتە پاڵ ئەو سێ هاووڵاتییە زانیارییەکی ورد لەبەر دەستدا نییە.