Komala

ئێوارەی پێنجشەممە ١٠ی جۆزەردان، “ئەفسانە شاهی”، شاخەوانی تەمەن ٣٢ ساڵی خەڵکی شاری بۆکان، لە ئەنجامی هێرشی هێزەکانی ئیتلاعاتی سپای پاسداران بۆ سەر ماڵی بنەماڵەکەی دەستبەسەر کراوە.
بەوتەی سەرچاوەیەکی ئاگادار، هێزەکانی ئیتلاعاتی سپای پاسداران بەبێ هیچ هۆکارێک و بە شێوەیەکی دڕندانە چوونەتە ماڵی بنەماڵەی ئەفسانە شاهی و چەکیان بە ڕووی بنەماڵەی ئەو هاووڵاتییە و میوانەکانیان ڕاگرتووە. ئەفسانە شاهی، دوای دەستبەسەر کران بۆ شوێنێکی نادیار گواستراوەتەوە و هەتا کاتی داڕشتنی ئەم هەواڵە، زانیارییەک لەسەر تەندروستی، ئەو تۆمەتانەی دراونەتە پاڵی و دۆخی ڕاگرتنی لەبەر دەستدا نییە.