دەستبەسەر کرانی سێ هاووڵاتیی لە زاهێدان
هەینی ۰۱-۱۰-۱۴۰۲ | 22-12-2023
ڕۆژی سێشەممە ٢٨ی سەرماوەز، سێ هاووڵاتی خەڵکی زاهێدان بە ناوەکانی “سەعید شەبەخش” ٢٤ ساڵ تەمەن، “مێهدی شەبەخش” ٢٢ ساڵ تەمەن و “مێهروڵڵا شەبەخش” ٢٣ ساڵ تەمەن، لە لایەن هێزەکانی ڕژیمەوە دەستبەسەر کران.
شایانی باسە، ئەم سێ هاووڵاتییە لە ماڵە باوانی خۆیان لە ناوچەی “سفیدەک”ی زاهێدان دەستبەسەر کراون. جێگای ئاماژەیە، سەعید شەبەخش و مێهروڵڵا شەبەخش ڕا‌پێچی شوێنێکی نادیار کراون و هیچ زانیارییەک لەسەر بارودۆخیان له بەر دەستدا نییە. ئەمە لە حاڵێکدایە کە هەتا کاتی داڕشتنی ئەم هەواڵە، هیچ زانیارییەک سەبارەت بەو تۆمەتانەی کە دراوەتە پاڵ ئەم سێ هاووڵاتییە، لەبەر دەستدا نییە.