Komala

بەپێی ڕاپۆرتەکان، ئێوارەی ڕۆژی هەینی ٢٧ی گەلاوێژ، هاووڵاتییەک بە ناوی “هێمن محەممەدی”، تەمەن ٤٠ ساڵ و خەڵکی گوندی “ئەتمیش» ی سەر بە شاری مەهاباد، لە لایەن هێزەکانی ئیدارەی ئیتلاعات لە شاری تەورێز دەستبەسەر کراوە.
بەگوێرەی زانیارییەکان، ئەو هاووڵاتییە دوای دەستبەسرکردنی لە لایەن کۆمەڵێک لە هێزەکانی ئیدارەی ئیتلاعاتی تەورێز، بۆ شوێنێکی نادیار گواستراوەتەوە. تا کاتی داڕشتنی ئەم هەواڵە، هیچ زانیارییەک لەسەر هۆکاری دەستبەسەرکردن و ئەو تۆمەتانەی دراونەتە پاڵ ناوبراو لە بەردەستدا نییە.