Komala

بە پێی ڕاپۆرتەکان، ڕۆژی سێشەممە ١٧ی ڕەزبەر، محەممەد دەستوورە تەمەن ٢٥ ساڵ و خەڵکی گوندی “توتەندەر”ی سەر بە شاری مەریوان، لە لایەن هێزەکانی ئیدارەی ئیتلاعاتی ئەمشارەوە دەستبەسەر و بۆ شوێنێکی نادیار گواستراوەتەوە.
بە وتەی سەرچاوەیەکی ئاگادار، هێزە ئەمنییەکان لە یەکێک لە شەقامەکانی شاری مەریوان و به بێ هیچ هۆکارێک هەڵیانکواوەتە سەر ئەم هاووڵاتییە و هەوڵی دەستبەسەر کردنیان داوە و بەدواداچوونەکانی بنەماڵەی ناوبراو بۆ ئاگاداربوون لە چارەنووسی بێ ئاکام ماوەتەوە. تا کاتی داڕشتنی ئەم هەواڵە، زنیارییەکی ورد لەسەر هۆکاری دەستبەسەرکران، تۆمەتە سەپێندراوەکان، شوێنی ڕاگرتن و چارەنووسی ئەم هاووڵاتییە لەبەر دەستدا نییە.