Komala

سێ هاووڵاتیی لاو بە ناوەکانی “موسلیم حەمدی، تەحسین یووسفی و فەردین سداقەت” کە هەرسێکیان خەڵکی شاری “سەلاسی باوەجانی”ی سەر بە پارێزگای کرماشانن، لە لایەن هێزەکانی ئیتلاعاتی سپای پاسداران دەستبەسەر کران.
بەپێی ئەم ڕاپۆرتە، کاتژمێر ٣ی بەرەبەیانیی ڕۆژی دووشەممە ١٣ی خەرمانان، تەحسین یووسفی، تەمەن ١٩ ساڵ و فەردین سداقەت، تەمەن ٢٠ ساڵ و موسلیم حەمدی کە هەرسێکیان خەڵکی شاری سەلاسی باوەجانین، لە لایەن ئیتلاعاتی سپای پاسدارانەوە دەستبەسەر کران. بە وتەی سەرچاوەیەکی ئاگادار، کۆمەڵێک لە هێزەکانی ئیدارەی ئیتلاعاتی سپای پاسداران هەڵیانکوتاوەتە سەر ماڵی ئەو سێ هاووڵاتییە و بە شێوەیەکی دڕندانە دەستبەسەریان کردوون و دواتر بۆ دەستبەسەرگەی ئیتلاعاتی سپای پاسداران لە نزیک “مەیدان نەوت”ی کرماشان گواستراونەتەوە.