زۆرانبازێکی خەلکی کرماشان کۆتایی بە ژیانی خۆی هێنا
هەینی ۱۸-۰۶-۱۴۰۱ | 09-09-2022
ڕۆستەم مورادی یەکێک لە یاریزانانی بە پێشینەی زۆرانبازی کرماشان و ئەندامی پێشووی هەڵبژاردەی زۆرانبازی ئێران ڕۆژی چوارشەممە ١٦ی خەرمانان، لە ماڵەکەی خۆیدا خۆی هەڵواسیوە و کۆتایی بە ژیانی خۆی هێناوە.
هەتا کاتی ئامادە کردنی ئەم هەواڵە، هۆکاری خۆکوشتنی ئەم زۆرانبازە بە پێشینەی خەڵکی کرماشان نەزانراوە.
ڕۆستەم مورادی زۆرانبازی کێشی ١٢٠ کیلۆ و یەکێک لە زۆرانبازە ناودارەکانی کرماشانە کە چەندین جار بۆ هەڵبژاردەی زۆرانبازی ئێران بانگ کراوە.