سەپاندنی سزای بەندکردن بەسەر مێرمنداڵێکی خەڵکی شاری سەراوڵە
سێشەممە ۱۱-۱۱-۱۴۰۱ | 31-01-2023
هاووڵاتییەکی خەڵکی شاری سەراوڵە بە ناوی کوروش گەڕاوەند تەمەن ١٧ ساڵ، بە تۆمەتی “پێکهێنانی گرووپ و باند بە مەبەستی هەوڵدان بۆ تێکدانی ئاسایشی نیشتمانی” و “بەشداری لە ناڕەزایەتی و تێکڕووخان و شکاندنی کەرەستە گشتییەکان”، لەلایەن دادگای شۆڕشی کۆماری ئیسلامی لە شاری سەراوڵە بە سەرۆکایەتیی دادوەر “ئۆمێدی”، سزای ٧ مانگ بەندکردنی بەسەردا سەپا.
کوروش ڕۆژی پێنجشەممە، ٣ی سەرماوەز، لە ڕەوتی ڕاپەڕینی جەماوەریی شاری سەراوڵە و لەلایەن هێزەکانی کۆماری ئیسلامییەوە ڕفێندرا.