Komala

ڕۆژی سێشه‌ممه‌ ١٧ی ڕێبه‌ندان په‌ره‌ستاران و كادری ده‌رمانی نه‌خۆشخانه‌كانی شادگان، ئابادان و خۆڕه‌مشار، به‌ كۆبوونه‌وه‌ له‌به‌رده‌م زانكۆی زانستی پزیشكی ئابادان خوازیاری ڕوونكردنه‌وه‌ی بارودۆخی پیشه‌ییان بوون.
نزیكه‌ی ١٥٠ په‌ره‌ستار و كادری ده‌رمانی نه‌خۆشخانه‌كانی شادگان، ئابادان و خۆڕه‌مشار كه‌ لانیكه‌م هه‌شت ساڵ پێشینه‌ی كارییان هه‌یه‌، له‌ حاڵێكدا چاوه‌ڕێی گۆڕانی بارودۆخی پیشه‌ییان بوون، پاش پاندمی كۆڕۆنا له‌سه‌ركار ده‌ركراون. به‌وته‌ی ناڕازیان، به‌ڕێوه‌به‌رانی پارێزگای خووزستان ئه‌و پێرسۆنێله‌یان به‌ بیانووی نه‌بوونی سه‌رچاوه‌ی دارایی له‌سه‌ركار ده‌ركردووه‌ له‌ حاڵێكدا هه‌ر مانگ چه‌ندین ملیارد تمه‌ن گه‌نده‌ڵی ده‌كه‌ن.