مەحکووم کردنی ئەندامێکی ئەنجومەنی سێنفی موعەلیمانی مەریوان بە زیندان
یەکشەممە ۲۳-۱۱-۱۴۰۱ | 12-02-2023
بەپێی ڕاپۆرتەکان، “سەلاح ئازادی” موعەلیم و لە ئەندامانی ئەنجومەنی سێنفی موعەلیمانی مەریوان، بە تۆمەتی “پڕوپاگاندا لەدژی نیزام” بە یەک ساڵ زیندان مەحکووم کراوە.
بەپێی ئەم ڕاپۆرتە، “سەلاح ئازادی” کە پێشتر لە لایەن هێزە ئەمنییەکانی ڕژیم بانگهێشت و لێپرسینەوەی لەگەڵدا کرابوو، لە لایەن لقی یەکی دادگای ڕژیم لە شاری مەریوان، بە یەک ساڵ زیندان مەحکووم کراوە. پێویستە ئاماژە بکرێت کە دانیشتنی دادگای ئەم ئەندامەی ئەنجومەنی سێنفی موعەلیمان، رێکەوتی ١١ی پووشپەڕی ئەمساڵ بەڕێوەچوو بوو.