نادیاربوونی چارەنووسی هاووڵاتییەک لە شاری کرماشان
یەکشەممە ۲۵-۱۰-۱۴۰۱ | 15-01-2023
هاووڵاتییەکی خەڵکی کرماشان ماوەی حەفتەیەکە بێسەروشوێنە و چارەنووسی نادیارە.
بەپێی ڕاپۆرتەکان، سەرەڕای تێپەڕبوونی حەفتەیەک لە ڕفاندنی هاووڵاتییەکی خەڵکی شاری کرماشان بە ناوی مەحموود ڕەشیدی لە لایەن هێزە ئەمنییەکانی ئەمشارەوە، هەتا ئێستا هیچ زانیارییەک لەسەر چارەنووس و شوێنی ڕاگیرانی ناوبراو لە بەردەستدا نییە، بەدواداچوونی بەردەوامی بنەماڵەکەشی بۆ دڵنیابوون لە بارودۆخی ڕۆڵەکەیان بێ ئاکام بووە.