Komala

بەپێی ڕاپۆرتی هەواڵنێریی ڕوویتێرز، هەتا ڕۆژی یەکشەممە ٢٣ی ڕەزبەر، دوو هەزار و ٣٨٣ هاووڵاتیی فەلەستینی لە لێواری غەززە و لێواری ڕۆژاوا، گیانیان لەدەستداوە.
هاوکات سەرچاوەکانی فەلەستین روژی یەکشەممە ڕایانگەیاندووە کە سەرجەم ١٠ هەزار و ٨١٤ کەس بەهۆی هێرشەکانی سپای ئیسڕائیل برینداربوون. بەپێی ئەم داتایانە، تەنیا لە غەززە ٢ هەزار و ٣٢٩ کەس گیانیان لەدەست داوە و ٩ هەزار و ٧١٤ کەسیش برینداربوون. لە حاڵێکدا کە لە لێواری ڕۆژاوا ٥٤ کەس گیانیان لەدەست داوە و ١١٠٠ کەسی دیکەش برینداربوون. ئەمە لە حاڵێکدایە کە بەهۆی هێرشەکانی گرووپی تێرۆریستی حەماس، هەزار و ٤٠٠ هاووڵاتیی ئیسڕائیلی گیانیان لەدەست داوە و ٣ هەزار و ٤٠٠ کەسیش کە زۆربەیان مەدەنی بوون بریندار بوون.