هاوولاتییەکی خەڵکی شیراز دەسبەسەر و ڕەوانەی زیندان کرا
دوشەممە ۲۳-۱۲-۱۴۰۰ | 14-03-2022
رۆژی شەممە ٢١ی رەشەممە هاوولاتییەکی خەڵکی شاری شیراز بە ناوی ”شەهناز سابت” لەلایەن هێزەکانی ئیدارەی ئیتلاعاتی ئەو شارەوە دەسبەسەر و ڕەوانەی زیندانی عادڵ ئابادی شیراز کرا.
”شەهناز سابت” لە مانگی خەرمانانی ساڵی ١٣٩٨ی هەتاوی لە لایەن هێزەکانی ئیدارەی ئیتلاعاتی شیراز دەسبەسەر و دوای ماوەیەک بەدانانی بارمتە و بەشێوەی کاتی هەتا رۆژی بەڕێوەچوونی دانیشتنی دادگا ئازاد کرابوو.
ناوبراو لە رۆژی یەکشەممە ٢١ی گوڵانی ساڵی ١٣٩٩ی هەتاوی، لە لایەن دادگای شیرازەوە بە ”تۆمەتی پڕوپاگاندا دژی نیزام” و ”ئەندامەتی لە یەکێک لە هێزە ئۆپۆزسیۆنەکانی رژیم”، حوکمی ٦ساڵ زیندانی تەعزیری بەسەرداسەپابوو، کە دواتر لەدادگای پێداچوونەوەدا ئەو حوکمە کەم کرایەوە بۆ ٢ ساڵ زیندانی تەعزیری.