Komala

لەماوەی رۆژانی ڕابردوودا یاسر نووری، تەمەن ٣٢ ساڵ و خەڵکی جوانڕۆ و هەڵسووراوی ژینگە پارێز لەلایەن لقی چواری دادگای شۆڕشی کرماشان، بە تۆمەتی “چالاکی تەبلیغی دژ بە کۆماری ئیسلامی و بە قازانجی گرووپە دژبەرەکان” سزای چوار مانگ بەندکرانی بەسەردا سەپێندرا. یاسر نووری ڕۆژی شەممە ٧ی گەلاوێژ، لەلایەن هێزە ئەمنییەکانەوە بە لێدان و تووندوتیژی و پشکنینی ماڵەکەی دەستبەسەرکرا و دواتر بەدانانی بارمتە و بەشێوەی کاتی هەتا کاتی کۆتایی هاتنی پرۆسەی دادگاییکردنی لە بەندیخانە ئازاد بوو.