Komala

ڕۆژی پێنجشەممە ٣ی سەرماوەز، “وریا غەفووری” کاپیتانی پێشووی تیمی ئیستقلالی تاران و یاریزانی ئێستای تیمی فوولادی خووزستانی، بە تۆمەتی پڕوپاگەندە دژی ڕژیم وا پشتیوانی لە ڕاپەڕینی خەڵکی ئێران و بەتایبەتی کوردستان و بێڕێزیکردن بە تیمی میللی ئێران، لەلایەن هێزەکانی ڕژیمەوە دەسبەسەر کرا.
وریا غەفووری، سەرەڕای ئەوەیکە بەردەوام وەرزشوانێکی بەهەڵوێست بووە و هەمیشە پشتیوانیی لە خواستەکانی خەڵک کردووە، لە دوای کوشتنی حکوومەتیی ژینا ئەمینی لەلایەن هێزە سەرکوتکەرەکانی ڕژیم و سەرهەڵدانی شۆڕشی ژینا بە دروشمی ژن، ژیان، ئازادی لە هەموو ئێران و بە تایبەتیی کوردستان، بەردەوام پشتیوانیی لە خەڵک و ئەو ڕاپەڕینە کردووە.