پەرلەمانی ئەوروپا بە زۆرینەی دەنگ، سپای پاسدارانی بە ڕێکخراوی تیرۆریستی ناساند
پێنجشەممە ۲۹-۱۰-۱۴۰۱ | 19-01-2023
ڕۆژی چوارشەمە ٢٨ی بەفرانبار، پەرلەمانی ئەوروپا بە زۆرینەی دەنگ سپای پاسدارانی خستە نێو لیستی گرووپە تیرۆریستییەکانەوە.
ئەم دەنگدانە بە بەشداری ٦٣٨ نوێنەرەوە بەڕێوەچوو کە بە ٦٠٠ دەنگی ئەرێنی نوێنەرانی پەرلەمان، سپای پاسداران خرایە لیستی گرووپە تیرۆریستییەکانەوە. بەپێی ڕاپۆرتەکان تەنیا ٩ نوێنەر دەنگی نەرێنیان بەم داواکارییە داوە. ئەم دەنگدانە لە کۆبوونەوەیەکی دیکەی پەرلەمانی ئەورووپا کە لە بروکسل بەڕێوەدەچێت بۆ جارێکی دیکە دەخرێتە دەنگدانەوە تا بە شێوەی ڕەسمی سپای پاسدارانی ڕژیم بخرێتە لیستی گرووپە تیرۆریستییەکانی یەکێتیی ئەوروپا.