ڕفاندنی دوو هاووڵاتی لە لایەن هێزە ئەمنییەکانەوە
دوشەممە ۰۵-۱۰-۱۴۰۱ | 26-12-2022
دوو هاووڵاتی خەڵکی کرماشان ڕۆژی یەکشەممە ٤ی بەفرانبار، لە لایەن هێزە ئەمنییەکانەوە رفێندران.
بە گوێرەی هەواڵەکان دوو هاووڵاتی خەڵکی دەرەدەرازی کرماشان بە ناوەکانی “موزەفەر وەیسی”، ۲۷ ساڵ تەمەن و “میلاد مۆرادی” ۲۴ ساڵ تەمەن لە لایەن هێزە ئەمنییەکانەوە ڕفێندراون و ڕاپێچی شوێنێکی نادیار کراون. ئەمە لە کاتێکدایە کە لە ماوەی ڕابردوودا بە دەیان هاووڵاتی لە شارەکانی ئێران و کوردستان، لە لایەن هێزەکانی ڕژیمەوە رفێندراون و چارەنووسیان نادیارە.