Komala

ڕۆژی دووشەممە، ١٣ی خەرمانان هاووڵاتییەک بە ناوی محەممەدئەمین محەممەدی، تەمەن ٦٠ ساڵ و خەڵکی گوندی “تەمەرچیان”ی سەر بە شاری پیرانشار، لە شەقامێکی ئەو شارە لەلایەن هێزەکانی ڕژیمەوە ڕفێندراوە.
بە وتەی سەرچاوەیەکی ئاگادار، ئەو هاووڵاتییە بەساڵاچووە بەبێ هیچ هۆکارێک و بە شێوەیەکی دڕندانە لەلایەن ئەو هێزانەوە ڕفێندراوە.
تا کاتی داڕشتنی ئەم هەواڵە، هیچ زانیارییەکی ورد و دروست لەسەر هۆکاری ڕفاندن و ئەو تۆمەتانەی دراونەتە پاڵ ناوبراو و هەروەها چارەنووس و شوێنی ڕاگیرانی لە بەردەستدا نییە.