Komala

بەپێی ڕاپۆرتەکان، ڕۆژی یەکشەممە ٣٠ی گوڵان، ژنێک بەناوی “ئارەزوو حەسەنی” بە ١٠٠ زەربەی چەقۆ و بە شێوەیەکی دڕندانە لەلایەن هاوژینەکەی لە شاری ئەیوانی سەر بە پارێزگای ئیلام کوژرا.
بەوتەی سەرچاوەیەکی ئاگادار، بکوژەکە بە ناوی جەواد جەعفەری تەمەن ٤٠ ساڵ، خۆی ڕادەستی هێزە نیزامییەکان کردووە. میدیا حکومەتییەکان لە دەستەواژەی ناڕوونی “کێشەی خێزانی” بۆ کوژرانی ئەو ژنە کەڵکیان وەرگرتووە، بەڵام ئارەزوو حەسەنی بە پاساوی پاراستنی نامووس و شەرەف لەلایەن هاوسەرەکەی کوژراوە. شایانی باسە، بکوژەکە تەرمی هاوژینەکەی لە سندووقی ئۆتۆمبێلەکەی خستووە و بردوویەتی بۆ بنکەی پۆلیس.