Komala

کۆمەڵێک لە خانەنشین کراوانی تەئمین ئیجتماعی لە شارەکانی، شووش، کەرخە و حەوت تەپە، شووشتەر، کرماشان، دزفوول و ئەهواز، لە ناڕەزایەتیی بە جێبەجێ نەکرانی خواستەکانیان، سەرلەنوێ دەستیاندایە کۆبوونەوە.
ڕۆژی یەکشەممە ١٤ی خەزەڵوەر، خانەنشین کراوانی تەئمین ئیجتماعی شووش، کەرخە و حەوت تەپە بە ڕێپێوان لە شەقامەکانی ئەمشارە و وتنەوەی چەندین درووشمی ئێعتڕازی وەک “تەنیا لە شەقامەکان وەدی دێت خواستەکانمان” و کۆبوونەوە لەبەرامبەر بینای تەئمین ئیجتماعی ئەمشارە، خوازیاری وەڵامدانەوەی بەرپرسان بە کێشەکانیان بوون. هەروەها خانەنشین کراوانی تەئمین ئیجتماعی شارەکانی ئەهواز، کرماشان، دزفوول و شووشتەر، بە کۆبوونەوە لە بەرامبەر بینای تەئمین ئیجتماعی ئەمشارانە، خوازیاری جێبەجێ کرانی خواستەکانیان بوون.