Komala

ئەمڕۆ دووشەممە ٥ی خەرمانان، کرێکارانی شیرکەتی نەوت و گازی فەجری جم، بە خواستی چاکسازی لە سیستەمی کاری و دانی حقووقەکان، لە شوێنی کارەکەیان، دەستیاندایە کۆبوونەوە.
بەپێی ئەم ڕاپۆرتە، کرێکارانی ناڕازی هەروەها خوازیاری جێبەجێ کردنی خواستەکانی دیکەیان لەوانە، “نەمانی شیرکەتە پەیمانکارییەکانی دابین کردنی هێزی کار، پێداچوونەوە و بەکردەوە دەرهێنانی گەڵاڵەی ڕیزبەندی کارە سەخت و زیانبارەکان، داڕشتنەوەی گرێبەستی ڕاستەوخۆ لەگەڵ شۆفیرانی شیرکەتە پەیمانکارییەکان لە لایەن پەیمانکاران و چاکسازی لە بەندەکانی ئەم گرێبەستە و هەروەها بەکردەوە دەرهاتنی یاسای پشوودان بە شێوەی ٢ بە ٢ بۆ کرێکارانی پشتیوانی”، بوون.