Komala

لە ئەنجامی شەڕ و تێکهەڵچوون لە نێوان ئەڕتەشی سوودان و میلیشیایەکی نیزامی لە “خارتوم” پێتەختی سوودان، ٥٠ هاووڵاتیی مەدەنی گیانیان لەدەستدا.

بەپێی ڕاپۆرتەکان، ئەم تێکهەڵچوونانە لەکاتێکدا دەستی پێکردووە کە گەڵاڵەی ڕادەست کردنی دەسەڵات لە دەوڵەتی کاتی نیزامی بۆ پێکهێنانی دەوڵەتێکی مەدەنی هاتووەتە ئاراوە. هاوکات رێکخراوێکی پزیشکی ڕایگەیاندووە، لانیکەم ٢٥ کەس لەوانە ١٧ کەسی مەدەنی لەمشارە گیانیان لەدەستداوە. ئەمە لەحاڵێکدایە کە هەر دوو لایەنی شەڕ ئیدیعایان کردووە، کۆنتڕۆڵی فڕۆکەخانەی نێودەوڵەتی “خارتوم”یان بەدەستەوە گرتووە. شایانی باسە، دەنگی تۆپخانەکان لە ئێمدێرمان لە نزیک شاری خارتوم لە یەکەم سەعاتەکانی ڕۆژی یەکشەممە بیستراوە.