Komala

بەپێی ڕاپۆرتەکان، ڕۆژی شەممە ٢٧ی جۆزەردان، کرێکارێکی خەڵکی شاری مەهاباد بە ناوی “خالید ژاڵەچیان”، تەمەن ٦٦ ساڵ، لە کاتی جۆشکاریی بینایەکی نیوەکارە لە گەڕەکی فەرهەنگیانی ئەم شارە، لە بەرزاییی پێنج مەترییەوە کەوتە خوارەوە و بەم هۆیەوە گیانی لەدەست دا.
هەر لەم پێوەندەدا، حەفتەی ڕابردووش، کرێکارێک بە ناوی “فارس سیدانی”، لە کاتی کارکردن بە ئامێری “تیلێر”ی کشتوکاڵ و باخەوانی لە گوندی “باوان”ی سەر بە ناوچەی  مەرگەوڕ لە شاری ورمێ  بەسەختی بریندار ببوو. شایانی باسە، ئەم کرێکارە پاش ئەوەی کە بۆ یەکێک لە نەخۆشخانەکانی شاری ورمێ گواسترابوویەوە، ڕۆژی شەممە ٢٧ی جۆزەردان، بەهۆی سەختی برینەکانیەوە گیانی لەدەست دا.