گیان لەدەستدانی کۆڵبەرێک بە تەقەی ڕاستەوخۆی هێزەکانی ڕژیم
دوشەممە ۱۵-۰۳-۱۴۰۲ | 05-06-2023
بەپێی ڕاپۆرتەکان، بەرەبەیانی ڕۆژی دووشەممە ١٥ی جۆزەردان، هێزە چەکدارەکانی ڕژیم لە ناوچەی سنووری “زلە” کۆمەڵێک لە کۆڵبەرانیان دایە بەر دەستڕێژی گوللە و لە ئەنجامدا کۆڵبەرێک بەناوی “هۆشیار حەسەن زادە”، تەمەن ٢٠ ساڵ بە سەختی برینداربووە.
شایانی باشە، ئەم کۆڵبەرە بۆ نەخۆشخانەی سەلاحەدینی ئەیووبی شاری بانە گواستراوەتەوە و بەهۆی سەختی برینەکانییەوە گیانی لەدەست داوە. جێگای ئاماژەیە کە هۆشیار حەسەن زادە سینگی بە گوللەی هێزە چەکدارەکانی ڕژیمی جینایەتکاری کۆماری ئیسلامی پێکراوە.