ئازادی کاتی هاوڵاتیەکی دەستبەسەرکراوی خەلکی سنە
پێنجشەممە ۰۳-۰۶-۱۴۰۱ | 25-08-2022
سوبحان مەولوودی هاووڵاتی دەستبەسەرکراوی خەڵکی تەنگی سەر، سەر بە شاری سنە، ڕۆژی چوارشەممە ٢ی خەرمانان، دوای ٣٥ ڕۆژ بەندکران بە دانانی بارمتەی ٢٠٠ ملیۆن تمەنی و بە شێوەی کاتی لە بەندیخانەی سنە ئازاد کرا.
شایانی باسە سوبحان مەولوودی لە ماوەی مانگی ڕابردوو لە دەستبەسەرگەی ئیدارەی ئیتلاعاتی ڕژیم لە مەریوان دەستبەسەر بووە و ڕۆژی ڕابردوو بۆ بەندیخانەی سنە گوازراوەتەوە.
سوبحان مەولوودی لە ماوەی ئەو ڕۆژانەی کە دەستبەسەر بووە، لە مافی هەبوونی پارێزەر بێبەش بووە و لەلایەن ناوەندە ئەمنییەکانەوە بە هاوکاری کردنی لە گەڵ یەکێک لە حیزبە سیاسیەکانی کوردوستان تۆمەتبار کراوە.
