بەپێی ڕاپۆرتەکان، ڕۆژی یەکشەممە ١٩ی ڕەشەممە، “عەبدوڵڵا قەنبەری وەند” تەمەن ٥١ ساڵ و “مەحمود قەنبەری وەند” تەمەن ٤٨ ساڵ، دوو برای خاوەن پێداویستیی تایبەت و خەڵکی شاری پیرانشار، لە زیندانی ناوەندیی شاری نەغەدە ئازاد کران.
مەحمود قەنبەری وەند و عەبدوڵڵا قەنبەری وەند، هەر یەکیان دوای تێپەڕاندنی ١٨٣ ڕۆژ بەندکران لە بەندیخانەی شاری نەغەدە ئازاد کران. ئەو دوو هاووڵاتییە بە تۆمەتی “ئەندامێتی لە حیزبێکی کوردستانی” بە ٣٦ مانگ زیندان و بە تۆمەتی “کردەوەی دژ بە ئاسایشی نیشتمانی” بە ٣ ساڵ و ٧ مانگ بەندکران و سەرجەم بە شەش ساڵ و حەوت مانگ بەندکران مەحکووم کرابوون. هاوکات، سابیر ئیسماعیلی بەندکراوی دیکەی سیاسی، دوای تێپەڕکردنی ٩ مانگ بەندکران بە گۆڕینی بەندکرانەکەی بۆ ڕای باز لەم زیندانە ئازاد کراوە. سابیر ئیسماعیلی پێشتر لەلایەن لقی دادگای شۆڕشی مەهاباد بە ٤ ساڵ و حەوت مانگ بەندکران مەحکووم کرابوو.