Komala

ڕۆژی پێنجشەممە ١٦ی ڕەشەممە، دیاكۆ خزری، هاووڵاتی تەمەن ٣٨ ساڵ و خەڵكی گوندی “شیلاناوا”ی سەر بە شاری مەهاباد و لە ئەندامانی بنەماڵە دادخوازەكانی كوردستان، بە دانانی بارمتەی دوو میلیارد تمەنی لە زیندانی ناوەندیی ئەمشارە ئازاد كرا.
بە گوێرەی سەرچاوەەیەكی نزیك لە بنەماڵەی خزری، ناوبراو لە ماوەی دەستبەسەركرانەكەیدا لە مافی دەستپێڕاگەیشتن بە پارێزەر بێبەش بووە ئەم هاووڵاتییە ڕۆژێ چوارشەممە ٢٤ی ڕێبەندانی ئەمساڵ، لە لایەن هێزەكانی ئیدارەی ئیتلاعات لە ماڵەكەی خۆی دەستبەسەر و بۆ زیندانی ناوەندیی مەهاباد گواسترابوویەوە. هەر لەم پێوەندەدا، سەرەتای ئەم حەفتەیە، فایەق ڕەشیدیان و فەرزاد نووری، دوو هاووڵاتیی خەڵکی گوندی “خوردەلوکی” سەر بە شاری سەقز هەر کامیان بە دانانی بارمتەی ٥٠٠میلیۆن تمەنی لە زیندانی ناوەندی ئەمشارە ئازاد کراون.