Komala

بە پێی ڕاپۆرتەکان، رۆژی دووشەممە ٢٧ی ڕەشەممەی ١٤٠٣، “سۆهەیلا موتاعی” چالاكی بواری مافەكانی ژنان و خەڵكی دێهگولان، دوایـی حەفتەیەک دەستبەسەركران،بە دانانی بارمتە لە زیندان ئازاد كرا.
سوهەیلا موتاعی بە تۆمەتی وەكوو “پڕوپاگەندە دژی كۆماری ئیسلامی” و”هاوكاری ـلەگەڵ یەکێک لە حیزبە كوردستانییەكان” تاوانبار كرابوو. ناوبراو ئێوارەی دووشەممە ـ٢٠ی ڕەشەممەی ئەمساڵ، لە پەیوەندی لەگەڵ چالاكی و بەشداری كردنی لە ڕێوڕەسمی تایبەت بە ڕۆژی جیهانیی ژنان لە سنە، لە لایەن هێزەكانی ئیدارەی ئیتلاعات لە دێهگولان دەستبەسەر كرابوو. جێگای ئاماژەیە، سوهەیلا موتاعی ڕۆژی چوارشەممە ٣ی ڕێبەندانیش، لە مەیدانی “ساعەت” لە دێهگولان بە بەكارهێنانی توندوتیژی دەستبەسەر و دوای چەند كاتژمێر لێپرسینەوە، بە  دانانی بارمتەی ٢٠٠ میلیۆنی و بە شێوەی كاتی ئازاد كرابوو.