Komala

ڕۆژی پێنجشەممە ٩ی ڕەشەممە، “ڕەحمان ڕەحیم پوور” تەمەن ٣٧ ساڵ، “هیوا ئەمینی” و “بەهمەن فەیزی” خەڵکی شاری سەقز، بە دوای تێپەڕبوونی ٣١ ڕۆژ دەستبەسەر بوون لە دەستبەسەرگەی ئیتلاعاتی سپای پاسدارانی شاری سنە و زیندانی ناوەندیی شاری سەقز، هەر کام بە دانانی بارمتەی ١٠٠ میلیون تمەنی، بەشێوەی کاتی و تا کۆتایی هاتنی دادگایەکانیان لە زیندان ئازاد کراون.
شایانی باسە، ئەم سێ هاوولاتییە لە ڕۆژانی دەستبەسەر بوونیان لە مافی هەبوونی پارێزەر و هەروەها مافی چاوپێکەوتن لەگەڵ بنەماڵەکانیان بێبەش بوون. ئەم سێ هاووڵاتییە ڕۆژی چوارشەممە ١٠ی ڕێبەندان، لە لایەن هێزەکانی ئیتلاعاتی سپای پاسدارانەوە لە شاری سەقز دەستبەسەر و دوای دەستبەسەرکرانیان بۆ دەستبەسەرگەی ئیتلاعاتی سپای شاری سنەگواسترابوونەوە.