Komala

بە پێی ڕاپۆرتەکان، ڕۆژی پێنجشەممە ٢١ی خاكەلێوەی ١٤٠٤، “نازەنین ئەلیاسی” خەڵكی شاری مەهاباد بە دانانی بارمتەی چوار ملیاردی لە زیندانی ناوەندیی ورمێ ئازاد كرا.
بە وتەی سەرچاوەیەكی ئاگادار، نازەنین ئەلیاسی لە ماوەی دەستبەسەركرانەكەیدا لە مافی هەبوونی پارێزەر بێبەش بووە و بە “هاوكاری لەگەڵ یەكێك لە حیزبە كوردستانییەكان” تاوانبار كرابوو. ئەم هاووڵاتییە ڕۆژی دووشەممە ٢٦ی سەرماوەزی ١٤٠٣، دوای بانگكرانی و چوونی بۆ ئیدارەی ئیتلاعاتی مەهاباد، بە تۆمەتی چالاكی سیاسی دەستبەسەر كرابوو.