ئازادی هاووڵاتیەکی خەلکی کرماشان بە دانانی بارمتە
پێنجشەممە ۰۷-۰۲-۱۴۰۲ | 27-04-2023
مەهدی جەمشیدی (سالار)، خەڵکی کرماشان، کە لە ڕەوتی خۆپیشاندان لە دژی هێرشە کیمیاییەکان بۆ سەر قوتابخانەکان، لەلایەن هێزەکانی ڕژیمەوە دەستبەسەرکرابوو، دوای ٥٤ ڕۆژ ئازاد بوو. ڕۆژی پێنجشەممە ٧ی گوڵان، مەهدی جەمشیدی، تەمەن ٢٨ ساڵ، کە لە دوای بەشداریکردنی لە خۆپیشاندان لە دژی هێرشە کیمیاییەکان بۆ سەر قوتابخانە و قوتابییان دەستبەسەرکرابوو، بەدانانی بارمتەی ٢ ملیارد تمەنی بە شێوەیەکی کاتی و هەتا کاتی تەواوبوونی دادگاییکردنی لە بەندیخانەی ناوەندیی کرماشان ئازاد بوو.