Komala

ڕۆژی پێنجشەممە ٩ی ڕەشەممە، ئەفشین حسێن پەناهی چالاکی مەدەنی و ژینگە پارێز و بەندکراوی سیاسی پێشوو، دوای تێپەڕاندنی ٥٠ ڕۆژ دەستبەسەربوون لە ئیدارەی ئیتلاعاتی شاری سنە و زیندانی ناوەندیی ئەمشارە، بە دانانی بارمتەی قورس و بە شێوەی کاتی تا کۆتایی هاتنی ماوەی دادگایەکەی لە زیندانی ناوەندیی سنە ئازاد کرا.
شایانی باسە، ئەم هاووڵاتییە لەلایەن ناوەندە ئەمنییەکانەوە بە «ڕێبەری خۆپیشاندانەکان» و «هاندانی بنەماڵە دادخوازەکان بۆ کۆبوونەوە» تاوانبار کراوە. ئەفشین حسێن پەناهی ڕۆژی چوارشەممە ١٩ی بەفرانبار، لە ئەنجامی هێرشی هێزەکانی ئیدارەی ئیتلاعات بۆ شوێنێ کارەکەی دەستبەسەر و بۆ شوێنێکی نادیار گواسترابۆوە.