Komala

ڕۆژی سێشەممە ٧ی ڕەشەممە، ئەمجەد گەریاخیز، چالاکی کرێکاری تەمەن ۴۲ ساڵی خەڵکی شار سنە،بە دوای دانانی بارمتە لە زیندانی ناوەندیی ئەوشارە ئازاد کرا. 
شایانی باسە، ناوبراو لە ماوەی دەستبەسەر بوونیدا لە مافی پەیوەندیی تەلەفۆنی لەگەڵ بنەماڵەکەی و دەستڕاگەیشتن بە دەرمانە پێویستەکانی بێبەش کرابوو و هاوژینەکەی، ئارەزوو سەبووری لە کاتی بەدواداچوونی دۆسیەی ناوبراو لە لایەن ئیتلاعاتی سنەوە هەڕەشەی دەستبەسەرکرانی لێ کرابوو. جێگای ئاماژەیە، ئەم چالاکە کرێکارییە، ڕۆژی سێشەممە ۳ی ڕێبەندان، لە پەیوەندی لەگەڵ مانگرتنەکانی ڕۆژی ٣ی ڕێبەندان لە کوردستان، لە لایەن هێزە ئەمنییەکان و بە بەکارهێنانی توندوتیژی دەستبەسەر و بۆ دەستبەسەرگەی ئیتلاعاتی سنە و دواتر بۆ زیندانی ناوەندیی ئەوشارە گواسترابۆوە.