ئاماری ئاوارەبووانی ئۆکراینی گەیشتە ٢ میلیون ٦٠٠ هەزار کەس
دوشەممە ۲۳-۱۲-۱۴۰۰ | 14-03-2022
رێکخراوی نەتەوە یەکگرتووەکان بۆ کاروباری پەنابەران لە نوێترین راپۆرتییدا رایگەیاند، لە کاتی دەستپێکی شەڕی ئۆکراینەوە، واتا لە ماوەی ٢٢ رۆژدا، ٢ میلیون و ٦٠٠ هەزار هاووڵاتی ئۆکراینی ئاوارەی وڵاتانی دراوسێی ئۆکراین و باقی وڵاتە ئوروپایەکان بوون.
شایانی باسە کە زیاتر لە ١٠میلیون کەسیش لە ناوخۆی ئۆکراین ئاوارە بوون و رۆژبەرۆژ ئاماری ئاوارەبووانی ئۆکراینی لە هەڵکشاندایە و ئەگەر کۆمەڵگای نیودەوڵەتی بەهانایانەوە نەچێت، قەیرانێکی قەرەبوونەکراوی مرۆیی روودەدات. رێکخراوی نەتەوە یەکگرتووەکان هەروەها ئاماژەی بەگیان لەدەستدانی ٨٥ منداڵی ئۆکراینی بەهۆی شەڕەوە کردووە.