جینایەت لە جمهوری ئیسلامیدا کۆتایی نایەت. لە چەند ڕۆژی ڕابوردوودا شەپۆلێکی نوی لە دەست بەسەر کردن و ئەزیەت و ئازاری بەهاییەکان و بڵاو کردنەوەی نیفرەت لە دژی ئەوان دەستی پێکردوە. بە شوێن ئەو کردەوە غەیرە ئینسانی و دژی بەشەریدا ئەوباشانی ئیسلامی بە لشکرکێشی بۆ سەر ئاوایی “ڕۆشنکو”ی سەر بە مازندەران دەستیان کرد بە ڕووخاندنی ماڵی بەهایەکان و ئاوارەکردنیان و داگیر کردنی زەویەکانیان. کردەوەیەکی غەیرە ئینسانی و جینایەت کارانەی لە چەشنی ئەوەی کە ساڵی ٩٩ بە وێران کردن و داگیر کردنی ماڵ و مڵکی٥٤ بنەماڵەی بەهایی کە لە ئاوایی “ئەیول” ی سەر بە شاری ساری کردیان.
ئەوە یەکەمین جار نیە کە دەوڵەتی جمهوری ئیسلامی لە دژی شارۆمەندانی بەهایی دەست بە جینایەت و پاکسازی مەزهەبی دەکات. ئەو دوو هێرشە دڕندانەیە لە شێوەی دەیان ڕووداوی لەم چەشنەیە کە لە سەرەتای دەسەڵاتی حکومەتی جمهوری ئیسلامیدا کردیان. بڵاو کردنەوەی نیفرەت و سەرکوتی سازماندراوی شارۆمەندانی بەهایی بە بیانووی بیرو باوەڕی جیاواز، زۆر لەوە پێشتریش ڕویانداوە. ڕژیمی سەرکوت گەری جمهوری ئیسلامی هەر لە سبەێنێی بە دەسەڵات گەیشتنیەوە بۆڕاگرتن و داسەپاندنی دەسەڵاتی ڕەش و نگریسی ئیسلامی بە سەر کۆمەڵگادا، هاوکات لە گەڵ سەر کوت و پەرە پێدانی کەش و هەوای خەفەقان و ئیعدام و پاکسازی زانستگاگان و سەرکوتی کرێکاران، ژنان، لاوان و نەتەوەکان، دەستی دایە سەرکوتی کەمایەتیە مەزهەبیەکان، یەک لەوانە شارۆمەندانی بەهایی. ئیعدام، زیندان، دەرکردن و بێ بەش کردن لە خوێندنی زانستگاکان، فشار و سووکایەتی بە مناڵانی مەدرەسەیی،تەبعید و وێران کردنی ماڵەکانیان و داگیر کردنی دوکانەکانیان، وێران کردن و شکاندنی بەردی گۆڕستانی بەهایەکان و دەست بەسەر کردنی ئەو بەهائیانەی کە بۆ ئەسپەردەکردنی ئازیزانیان دەچوون، تەنیا گۆشەیەکی بچوک لە کارنامەی ڕەشی جەرەیانی ئیسلامی تازە بەدەسڵات گەیشتوو لە دژی بەهاییەکانە لە ماوەی حەیاتیخۆیدا کە هەر ئێستاش درێژەی هەیە.
تۆمەتی جاسووسی کردن بۆ وڵاتانی بێگانەی وەک ئیسڕائیل لە دەورانی جمهوری ئیسلامیدا و ( ئینگلیس لەدەورانی پەهلەوی و قاجاڕ) و سەرجەم ئەو زەخت و ئەزیەت و ئازارانە بە مەبەستی لە ناوبردنی سیستماتیکی ئەم خەڵکە و ناچار کردنیان بۆ بەجێ هێشتنی ئێران یان مانەوە و داسەپاندنی هەژاری و ئاوارەیی بە سەریاندا بووە.
دوژمنایەتی لە گەڵ بەهایی گەری لە جمهوری ئیسلامیدا بە هۆی دەسەڵاتی رەشی ئیسلامیەوە بەوپەڕی خۆی گەیشتوە. کردەوەی غەیەر ئینسانی و دژایەتی لە گەڵ شارۆمەندانی بەهایی لە دەوڵەتی پەهلەوێشدا بە دەسکیسی ئاخوندە کۆنە پەرستەکان، ساواک و دەزگاکانی دەوڵەتیی کەم وێنە نەبووە. ئەنجومەنی حوجەتیە کە لە سەنەدەکانی ساواکدا بە ناوی سازمانی تەبلیغاتی ئیسلامی لە ڕژیمی پەهلەویدا فەعالیەتیان دەکرد، ئەنجومەنێکی دژی بەهایی و بە مەبەستی تایبەتی موبارزە لە گەڵ بەهاییگەری لە ژێر چاوەدێری ساواکدا و بە قبوول کردنی دەوڵەتی پەهلەوی، بە دەستی ڕۆحانیەکی کۆنە پەرست بە ناوی ” شێخ مەحمودی حەڵەبی ” لە دژی شارۆمەندانی بەهایی دامەزرا وبە شێوەیەکی سیستماتیک کاری دەکرد. لە کردەوەیەکی دیکەدا “حسەینی عەلا”سەرۆک وەزیرانی ئەوکات بە داخوازی ئایەت للا بروجردی، لە دەستورێکی مەحرەمانەدا بە ەزیری کشوەری ڕاگەیاند کە دەبی بەهایەکان لە کارو باری ئیداریدا تەسفیە و ئیخراج بکرێن. کارێک کە لە جمهوری ئیسلامیدا بوە هۆی پاکسازی و کوشتنی بەهایەکان. دەوڵەتی پەهلەوی بە تەواوی لە ژێر کاریگەریی ڕۆحانیەت و دەزگای مەزهەبیدا بوو. دەزگای مەزهەب و ڕۆحانیەت گۆچانی دەستی شا و بۆ بەهێز کردنی ئیسلام و خورافات و ئاولا کردنی مەیدان بۆ کۆنە پەرستی ئیسلامی بوو. پێکهاتنی جمهوری ئیسلامی بەشێکیگرینگی، قەرزداری رژیمی پەهلەوی و ئاسانکاری گەلێک بووکە خرابوونە ئیختیاری مزگەوتەکان، شوێنە مەزهەبیەکان و دام و دەزگای ڕۆحانیەت و بە شێوەیەکی مۆریانەیی خۆیان گەرە و گەورەتر کرد.
شوورای هاوکاری هێزە چەپ و کمونیستەکان کردەوەی غەیرە ئینسانی و بڵاو کردنەوەی نفرەتی فاشیزمی ئیسلامی لە دژی شارۆمەندانی بەهایی و سەرکوتی سیستماتیکی ئەوانە بە توندی مەحکوم دەکات و داوا لە هەموو کۆمەڵانیئازادیخواز دەکات لە دژی ئەم جینایەتە و بۆ دیفاع لە شارۆ مەندنی بەهایی دەس بدەنە ئیعتراز و ناڕەزایەتی. بە باوەڕی ئێمە هەموو ئینسانەکان بە بێ لە بەرچاو گرتنی بیرو باوەڕ، مەزهەب ، جنسیەت، ڕەنگ ، نژاد و نەتەوە وەک شارۆمەندیک بە مافی بەرابەرەوە دەبێ بە ڕسمیەت بناسرێ و دەبێ بە شێوەیەکی یەکسان هەڵس و کەوتیان لە گەڵ بکردرێ. مەزهەب یان بێ مەزهەبی و بیر و باوەڕی جۆراوجۆرئەمری خوسوسی ئینسانەکانە و دەبی بە ڕەسمیەت بناسری. هەر ئەوەی کە لە جمهوری ئیسلامیدا بوونی نیە.
ئازادی و خۆشبژیوی و ژیانێکی بە دوور لە سەرکوت و ئیختناقی ئیسلامینە تەنیا بۆ شارۆمەندانی بەهایی، بەڵکە بۆ هەموو ئینسانێکی ستەم لێکراو لە ئێران تەنیا لە گرێوی ڕووخاندنی شٶڕشگێڕانەی جمهوری ئیسلامی و دامەزراندنیدەوڵەتی کارگری- شوورایدایە. ئاڵ و گۆڕێک کە زۆربەی کرێکاران و زەحمەتکێشان و کۆمەڵانی خەڵكی بێزار لە جمهوری ئیسلامی دەست بە کاری ئەوەن ولێبڕاوانە هەوڵ دەدن کە لە وجودی ئەم حکومەتەی جەهل، جینایەت، سەرکوت و چەوسێنەرە ڕزگاریان بێت.
بڕووخێ رژیمی سەرمایەداری جمهوری ئیسلامی
بژی ئازادی، بژی سوسیالیزم
واژۆکان: سازمانی ئیحادی فیدائیانی کمونیست، حیزبی کمونیستی ئێران، حیزبی کمونیستی کرێکاری –حیکەتیست، سازمانی ڕاهی کارگەر، سازمانی فیدائیان(ئەقەلیەت) و هەستەی ئەقەلێەت
ئوتی ٢٠٢٢
