Komala

سەرلە بەیانیی ئەمڕۆ شەممە ٢٩ی گوڵان، حوکمی ئێعدامی بەندکراوێکی ژن بە ناوی “فاتمە عەبدوڵایی” تەمەن ٢٧ ساڵ، لە زیندانی ناوەندی نیشابوور بەکردەوە دەرهات.
بەپێی ئەم ڕاپۆرتە، ناوبراو سێ ساڵ لەمەوبەر بەتۆمەتی “کوشتنی هاوسەرەکەی” دەستبەسەر و دواتر لە لایەن دەسەڵاتی دادوەری ڕژیم لە نیشابوور بە ئێعدام مەحکووم کرابوو. بەهەژمار کردنی ئێعدامی ئەم بەندکراوە، ژمارەی ئەو ژنانەی کە لە ماوەی کەمتر لە پێنج مانگی ڕابردوودا لە زیندانەکانی ڕژیم ئێعدام کراون، گەیشتە ١٠ کەس.